56. Sonnets. ii. Lucas, St. John, comp. Pierre de Ronsard. 1920. The Oxford Book of French Verse

St. John Lucas, comp. (1879–1934). The Oxford Book of French Verse. 1920.

56. Sonnets

Pierre de Ronsard (1524–†1585)


JE vous envoie un bouquet que ma main
Vient de trier de ces fleurs epanies:
Qui ne les eust àce vespre cueillies,
Cheutes à terre elles fussent demain.

Cela vous soit un exemple certain	5
Que vos beautez, bien qu’elles soient fleuries,
En peu de temps seront toutes flaitries,
Et, comme fleurs, periront tout soudain.

Le temps s’en va, le temps s’en va, ma dame,
Las! le temps non, mais nous, nous en allons,	10
Et tost serons estendus sous la lame:

Et des amours desquelles nous parlons,
Quand serons morts, n’en sera plus nouvelle:
Pour ce, aymez-moy, ce pendant qu’estes belle.